(2020-05 更新)
廣東話歇後語是一種短小、口語化、幽默風趣的粵語俗語或諺語。通常是把說話分為兩段；前段是用比喻或隱喻提示的引子，即"謎面"；後段歇後語是由前段說話引伸出來的意思，即"謎底"，兩段說話在字面上可能沒有關係，但從字裏行間、諧音變化中可以找到答案。猜歇後語像猜謎，是考智力的遊戲；要找出正確歇後語，必須熟悉廣東話俗語，了解粵港的風土人情，亦要腦筋靈活，懂轉彎，由前段引子中的比喻、諧音、語帶雙關意思猜出答案，猜中者可算是智力過人，亦是吸引人的地方。歇後語每每出人意表，幽默風趣抵死，歇開謎底會引起會心微笑或哄堂大笑。廣東話歇後語有濃厚的地方色彩，廣泛被廣東人使用，亦算是廣東話文化的重要部份。
下面收集了五百多個通行的廣東話歇後語，看你認識多少？
1. 半夜食黃瓜：唔知頭定尾
2. 白糖炒苦瓜：同甘共苦
3. 豉油辣椒醬：你想點就點
4. 阿茂整餅：無嗰樣整嗰樣
5. 苦瓜炒鴨：苦過弟弟 (音DiDi，鴨別名)
6. 豉油撈飯：整色整水
7. 廚房階磚：鹹濕
8. 鹽倉土地：鹹濕
9. 番薯跌落灶：該煨
10.
扁鼻佬戴眼鏡：冇得頂
11.
單眼佬睇老婆：一眼睇晒
12.
城樓跑馬: 一味兜圈
13.
斷柄鋤頭：冇楂拿
14.
甩柄士巴拿：得棚牙
15.
飛機打交：高竇
(鬥諧音)
16.
飛機火燭：銷魂（燒雲諧音）
17.
飛機點燈 : 高明
18.
飛機運茶壺 : 高水平 (瓶諧音)
19.
非洲和尚：乞人憎（黑人僧諧音）
20.
肥佬著笠衫：幾大就幾大
21.
墳場發電機：電死人
22.
閉眼射靶: 不妙（瞄諧音）
23.
棺材枴杖：死頂
24.
棺材鋪拜神 ：想人死
25.
棺材頭燒炮仗/墳頭燒炮仗：嚇死人
26.
跪地餵豬乸：睇錢份上
27.
深海石斑：好瘀（魚諧音）
28.
和尚擔遮：無法（髮諧音）無天
29.
黑白天鵝：日哦夜哦 (鵝諧音)
30.
半夜雞啼：唔知醜 (丑諧音)
31.
黃皮樹鷯哥：唔熟唔食
32.
白鱔上沙灘：唔死一身潺
33.
火燒旗杆：長嘆（炭諧音）
34.
火燒棺材：大嘆
35.
火燒燈芯 : 冇嘆
36.
火燒豬頭：熟口熟面
37.
棚尾拉箱 : 走佬
38.
無耳茶壺 : 得把嘴
39.
老公荷包：膚淺（夫錢諧音）
40.
老公撥扇：悽涼（妻涼諧音）
41.
老婆擔遮 ：陰功（陰公諧音）
42.
屎忽窟生瘡：無眼睇
43.
老鼠尾生瘡：大極有限
44.
老鼠跌落天平：自己稱
(秤諧音) 自已
45.
老鼠拉龜 : 無從下手
46.
落雨擔遮：死黨（擋諧音）
47.
賣魚佬：有聲 (腥諧音) 氣
48.
賣魚佬洗身：無晒聲氣
49.
年初一拜年 : 大家咁話
50.
年三十晚謝灶 ：好做唔做
51.
年晚煎堆：人有我有
52.
灶君上天 : 有嗰句講嗰句
53.
灶君跌落鑊 : 精（蒸諧音）神
54.
山草藥：噏得就噏
55.
陳年山草藥：發爛渣
56.
神仙放屁：不同凡響
57.
神仙過鐵橋：包穩陣
58.
神臺貓屎：神憎鬼厭
59.
生蟲枴杖：靠唔住
60.
隔夜痰罐/ 隔夜茶
: 唔賭（倒諧音）唔得
61.
陳村碼頭 : 逢賭（艔諧音）必啱
62.
隔夜茶渣 : 爛賭 (難倒諧音)
63.
屎坑關刀：文（聞諧音）又唔得，武（舞）又唔得
64.
屎坑石頭：又臭又硬
65.
濕水欖核：兩頭唧
66.
濕水棉花：無得彈
67.
十月芥菜：起曬心 (恨嫁姑娘)
68.
十月蔗頭：由頭甜到尾
69.
生水芋頭：神神地
70.
蒸生瓜 : 唔熟性
71.
幡桿燈籠 : 照遠唔照近
72.
死人燈籠 ：報大數
73.
擡棺材甩褲：失禮死人
74.
擡棺材燒炮仗 : 嚇死人
75.
撒路溪錢：引死人
76.
阿聾送殯 : 唔聽佢支死人笛
77.
喃嘸佬跌落屎坑：無晒符
78.
問米婆上身：得把死人聲
79.
除褲放屁 : 多此一舉
80.
成吉思汗打仔 : 大汗叠 (揼諧音) 細汗
81.
水瓜打狗 : 唔見咗橛 (截)
82.
阿崩叫狗 : 越叫越走
83.
狗上瓦坑 : 有條路
84.
賣鯇魚尾 : 搭嘴
85.
橋上倒涼茶 : 何 (河諧音) 苦
86.
冇尾飛陀 : 有去冇回
87.
肥婆坐屎塔：tub tub冚
88.
投石落屎坑 : 激起公憤 (糞諧音)
89.
屎坑三姑 : 易請難送
90.
紙紮下巴 : 口輕輕
91.
鼎湖上素 : 好齋
92.
冇牙佬食粥/阿婆食粥 : 無耻 (齒諧音) 下流
93.
隔夜油炸鬼 : 冇晒火氣
94.
老火炆鴨 : 得把嘴硬
95.
倒掛臘鴨: 油嘴滑舌
96.
冬前臘鴨 : 隻拉 (音laai3聲) 隻
97.
鷄食放光蟲 : 心知肚明
98.
波羅雞 : 靠黐
99.
灶頭抹布/ 豉油樽蓋
: 又鹹又濕
100.
冇耳藤篋 : 靠托
101.
隔年通勝 : 唔値錢
102.
三元宮土地 : 惜（錫諧音）身
103.
陸榮庭睇相 : 唔衰攞嚟衰
104.
秀才手巾 : 包輸（書諧音）
105.
孔子搬家 : 全部輸 (書諧音)
106.
雷公劈豆腐 : 搵軟嘅嚟恰
107.
一隻筷子食豆腐
: 搞喎(爛意思)晒
108.
魚生粥 : 僅僅熟
109.
火麒麟 : 周身癮 (引諧音)
110.
亞超着褲 : 焗住
111.
屙尿射竹筒 : 靠撞
112.
屙尿入壺 : 揸正嚟做
113.
天堂尿壺 : 全神貫 (灌諧音) 注
114.
壽星公吊頸：嫌命長
115.
泥菩薩過江 : 自身難保
116.
閻羅王探病 : 問你死未
117.
閻羅王請人 : 揾鬼嚟做
118.
閻羅王開攤 : 揾鬼買
119.
閻羅王嫁女 : 揾鬼要
120.
火燒城隍廟 : 急死鬼
121.
酒樓例湯 : 整定
122.
船頭尺 : 度水（借錢）
123.
牀下底踢毽 : 大家咁高
124.
牀下底破柴：撞版
125.
牀下底燒炮仗 : 顯唔出聲威
126.
賣布唔帶尺: 存心不良（量諧音）
127.
裁縫度身 : 有分寸
128.
朱義盛 : 假嘢
129.
綉花袋仔 : 人人啱
130.
單料銅煲：一滚就熟 (快熟)
131.
電燈膽 : 唔通氣
132.
掘尾龍拜山 : 搞風搞雨
133.
生仔姑娘醉酒佬
: 話唔要又要
134.
二叔公割禾 : 望下橛 (截)
135.
挖肉攞瘡生 : 自討苦吃
136.
食得蒜頭多 : 大口氣
137.
冇掩雞籠 : 自出自入
138.
上香打乞嚏 : 一面灰
139.
大石砸死蟹 : 冇聲出
140.
大花臉抹眼淚 : 離行離迾
141.
水溝油 : 撈唔埋
142.
豬籠入水 : 多窿路
143.
三斤豬頭：得把口
144.
豬頭骨 : 難啃
145.
雞肋 : 食之無味、棄之可惜
146.
瓦風嶺 : 包頂頸
147.
枕頭木虱 : 包拗 (咬諧音) 頸
148.
瓦荷包：有幾個錢就噹噹響
149.
好沉香當爛柴 : 唔識貨
150.
香蕉樹影 : 粗枝大葉
151.
跑馬射蚊鬚 : 幾難中
152.
冇檳榔嚼唔出汁
: 事出有因
153.
指天椒 : 越細個 (人) 越辣
154.
二叔公煎糕 : 翻來覆去
155.
出爐鐵 : 聽打 (唔打唔得)
156.
電燈杉 : 指天篤地
157.
二打六 : 未夠斤兩
158.
大花筒 : 亂使錢
159.
大肚婆行鋼線 : 挺而(兒諧音)走險
160.
馬騮升官 : 唔係人咁品
161.
狗咬賊仔 : 暗啞抵 (死忍)
162.
土地燈籠 : 通夜唔休息 (熄諧音)
163.
三行佬做門/泥水佬開門口 : 過得自己過得人
164.
問和尚借梳 : 嘥氣
165.
牛皮燈籠：點極唔明
166.
密底算盤 : 冇漏罅 (精打細算)
167.
乾隆皇契仔 : 周日清 (傳說契仔名)
168.
大良阿斗宮 : 二世祖 (傳說人物)
169.
盲公開眼 : 酸到極 (酸到開眼)
170.
田雞過河 : 各有各撑 (音yaan3聲)
171.
項莊舞劍 : 意在沛公
172.
關公細佬：亦得
(張"翼德"諧音)
173.
劉備借荊州 : 一借冇回頭
174.
韓信點兵 : 多多益善
175.
周瑜打黃蓋 : 一個願打、一個願捱
176.
蜀中無大將 : 廖化作先鋒
177.
司馬昭之心 : 路人偕見
178.
姜太公釣魚 : 願者上釣
179.
匈奴南侵 : 胡鬧
180.
烏蠅摟馬尾 : 壹拍兩散
181.
冇米粥 : 水汪汪 (唔成事)
182.
扭紋柴 : 搞唔掂
183.
市橋蠟燭 : 假細心
184.
茅根竹 : 借 (蔗諧音) 水
185.
細佬哥剃頭 : 就快就快
186.
剃刀門楣 : 出入都刮
187.
剃頭佬教仔：有得刮就刮
188.
菜刀剃頭 : 牙煙
189.
道士剃頭 : 無計 (髻諧音)
190.
周身刀 : 冇張利
191.
蜑家雞：見水唔飲得
192.
冰跌落醋酲 : 寒酸
193.
賊佬試沙煲 : 試探吓
194.
大姑娘做媒 : 講人唔講自己
195.
燒石灰船 : 冇得救
196.
茶樓搬家 : 另起爐灶
197.
茶瓜送飯 : 好人有限
198.
廣東涼茶/王老吉 : 包好
199.
水浸塔頂: 奄 (淹諧音) 尖
200.
公用電話 : 冇錢冇得傾
201.
打齋鶴 : 度人升仙
202.
打爛沙盆 : 問(璺諧音)到篤
203.
石地堂鐵掃把 : 硬碰硬
204.
石灣公仔 : 冇腸肚
205.
石罅米 : 俾雞啄
206.
光棍佬教仔 : 便宜莫貪
207.
神臺橘 : 陰乾
208.
籮底橙 : 揀完揀剩
209.
鐵沙梨/青磚沙梨 : 咬佢唔入
210.
皮鞋線 : 壹扯到喉
211.
冷巷擔竹竿 : 直出直入
212.
細佬哥玩泥沙 : 兒戲 (嘻音)
213.
珠磯路尾 : 多餘（傳說路尾有〝多如〞茶樓）
214.
十一個人分一分鴉片：無厘癮
215.
落雨收柴 : 通通擸哂
216.
缸瓦船打老虎：盡地一煲
217.
阿聾燒炮：散晒
218.
狗咬呂洞賓：唔知好人心
219.
豬八戒照鏡 : 裏外不是人
220.
鐵拐李踢波 : 壹腳踢
221.
八仙過海 : 各顯神通
222.
羅漢請觀音 : 人多好擔當
223.
二仔底：死跟
224.
阿駝行路：中中
(舂諧音) 地
225.
矮仔上樓梯 : 步步高
226.
醉酒佬數街燈 : 唔知幾盞
227.
兩公婆見鬼：唔係你就係我
228.
無氈無扇：神仙難變
229.
鐵嘴雞：牙尖嘴利
230.
偷雞唔倒 : 蝕揸米
231.
泥菩薩過江：自身難保
232.
龍王跳海 : 返老家
233.
丈八金剛 : 摸不着頭腦
234.
生骨大頭菜：縱
(種諧音) 壞
235.
蘇州過後 : 冇艇搭
236.
皇帝女 : 唔憂嫁
237.
電燈膽 : 唔通氣
238.
黃腫腳 : 不消提
239.
打開天窗 : 說亮話
240.
生蝦 : 扎 (隻諧音) 扎跳
241.
螃蟹上岸 : 打橫行
242.
倒瀉籮蟹 : 七手八腳
243.
上山捉蟹 : 難上加難
244.
鶴立雞羣 : 高人一等
245.
貓哭老鼠 : 假慈悲
246.
過街老鼠 : 人人喊打
247.
狐狸嗌交 : 一派胡 (狐諧音) 言
248.
免仔睇人 : 眼紅
249.
筲箕兜水: 漏洞百出
250.
船到橋頭 : 自然直
251.
新官上任 : 三把火
252.
黃婆賣瓜 : 自賣自誇
253.
啞子食黃蓮 : 有苦自家知
254.
盲公食湯丸 : 心裏有數
255.
隔夜油炸鬼 : 冇厘火氣
256. 甩頭筆：唔舍 (寫諧音) 得
257. 海軍鬥水兵：水鬥水
258. 航空母艦/新澤西號：食水深（賺得多）
259. 三水佬睇走馬燈：陸續有來驚 (三水話)
260. 潮州音樂：自己顧自己 (音樂聲)
261. 日本婆彈琴：窮到燶，窮到燶 (音樂聲)
262. 日本郵船 : 遲早完 ("池藻丸"船名諧音)
263. 日本首相 : 左騰右騰 (佐藤諧音)
264. 番鬼佬月餅：悶極 ( moon cake諧音)
265. 番鬼婆大肚 : 心懷鬼胎
266. 番鬼佬睇榜 : 掉轉嚟
267. 護照照片 : 出洋相
268. 曬菲林 : 唔見得光
269. 滚水淥豬腸 : 兩頭縮
270. 鹹蛋滚湯 : 心都實哂
271. 秀才遇着兵 : 有理說不清
272. 倒吊書包 : 冇滴墨
273. 秀才遇着虎 : 吟詩吟唔甩
274. 飛蛾撲火 : 自取減亡
275. 鐵公雞 : 一毛不拔
276. 石狗公 : 充班 (大班)
277. 貓兒洗面 : 係咁意
278. 烏雞啄烏豆 : 烏啄啄
279. 竹織鴨 : 冇心肝
280. 虎落平陽 : 被犬欺
281. 無聲狗 : 咬死人
282. 老虎屁股 : 唔摸得
283. 放虎歸山 : 後患無窮
284. 塘邊鶴 : 久唔久啄吓
285. 水過鴨背 : 點滴不留
286. 紙老虎 : 嚇唔到人
287. 華秀隻狗 : 狼胎
288. 沙頭角村長個女 : 你 (李諧音) 愛 (傳人名)
289. 陳村種 : 洗脚唔抹脚
290. 洗腳唔抹脚 : 係咁捀 (音Fing)
291. 沙灣燈籠 : 何苦 (府諧音)
292. 陳顯南賣告白 : 得把口
(醫術平平到處貼宣傳街招)
293. 交通燈 : 點紅點綠
294. 桄榔樹 : 一條心
295. 水溝油 : 溝唔埋
296. 生白果 : 腥夾悶
297. 芋頭點糖 : 心淡
298. 廣東臘腸 : 短度闊封
299. 姜太公封神 : 唔記得自己
300. 水浸缸瓦鋪 : 盆滿缽滿
301. 蜑家婆打仔 : 睇你走去邊
302. 牆頭草
: 隨風擺
303. 社壇土地 : 冇瓦遮頭
304. 瓦檐獅子 : 叻到滿 (音Mun)
305. 冷巷階磚 : 陰濕
306. 大老倌上台 : 係威係勢
307. 撳地游水 : 夠穩陣
308. 細路哥學游水 : 一味講錢 (淺諧音)
309. 細路仔玩泥沙 : 兒戲 (音嘻)
310. 盲佬上樓梯 : 摩 (摸諧音) 登
311. 摩囉差騎膊馬 : 差上差
312. 過後媒人秋後扇 : 唔等使
313. 阿駝瞓棺材 : 死都唔掂
314. 買定棺材掘定氹 : 聽死
315. 空棺材 : 目 (木諧音) 中無人
316. 閻王殿大罷工 : 冇鬼用
317. 棺材鋪大減價 : 抵死
318. 閻羅王出告示
: 鬼話連篇
319. 食咗草龍
: 好唱口
320. 田雞東
: 夾 (蛤諧音) 東 (AA制)
321. 棺材伸出手 : 死都要錢
322. 阿駝賣蝦米 : 兩個都唔掂
323. 牛頭唔搭馬嘴 : 各說各話
324. 阿蘭賣豬 : 一千唔賣賣八佰
325. 亞蘭嫁亞瑞 : 累鬥累 (懶婦嫁衰公)
326. 賣剩蔗 : 冇人吼
327. 太公分豬肉 : 人人有份
328. 盲佬貼符 : 倒貼
329. 燈盞無油 : 枉費心 (蕊諧音)
330. 呃鬼食豆腐 : 鬼都唔信
331. 牙籤大少 : 用完即丟
332. 新架波買蔗 : 騷 (削諧音) 都唔騷
333. 烏雞白鳳丸 : 畀女人食
334.
娥姐粉果 : 好睇又好食
335.
酒樓點心車 : 推來推去
336. 一家十五口 : 七嘴八舌
337. 一三五七九 : 無傷 (雙諧音)
338. 四方木 : 踢一踢，郁一郁 (轆郁同韻)
339. 三脚凳 : 唔穩陣
340. 十五個吊桶 : 七上八落
341. 燒壞瓦 : 唔入沓 (音踏)
342. 盲頭烏蠅 : 亂咁撞
343. 豉油碟
: 任人點
344. 隔山買牛 ; 斷估
345. 乾煎石班 : 唔加油水
346. 臨老學吃打 : 學曉都冇牙
347. 斷線風箏 : 身不由己
348. 斷線吉他 : 唔彈得
349. 蒸籠蓋 : 受氣
350. 綉花抌頭 : 包草 (華而不實)
351. 新屎坑 : 三日旺
352. 跌眼鏡 : 睇差一皮
353. 雞屙尿 : 少有
354. 冇毛雞打交 : 啖淡到肉
355. 刀仔鋸大樹 : 以少搏大
356. 燒肉雞 : 硬嘢 (舊時擺酒一定有嘅兩味菜)
357. 蜑家打醮 : 無彈 (壇諧音)
358. 土鯪魚
: 多骨惡啃 (舊時媽姐叫土鯪魚)
359. 寡母婆死仔 : 無指 (子諧音) 望
360. 熱鍋上螞蟻 : 走投無路
361. 阿昆買水 : 頭耷耷 (阿昆是佛山職業孝子)
362. 佛山孝子 : 似層層
363. 濠頭鄭
: 架勢
364. 無事獻殷勤 : 非奸即盜
365. 財到光棍手 : 一去無回頭
366. 通天老倌 : 樣樣皆能
367. 冇皮柴 : 光棍
368. 戥穿石 : 陪襯嘅
369. 陪太子讀書 : 做個伴
370. 姣婆守寡 : 忍得幾耐
371. 姣婆遇着脂粉客 : 一拍即合
372. 新出荷蘭豆 : 青靚白淨夾無銀 (仁銀同韻)
373. 老太婆嘅扎脚布 : 又長又臭
374. 大水冲倒龍王廟 : 不認自己人
375. 趙匡胤 : 大餸 (宋諧音)王
376. 急必烈 : 吞金滅餸(宋諧音) (打釜頭)
377. 啲打佬跌利是 : 白做
378. 金手指 : 篤人背脊
379. 水銀瀉地 : 無孔不用
380. 倒貼門神 : 面左左 (翻了臉)
381. 老虎頭上釘虱乸 : 聽死
382. 食豬紅屙黑屎 : 即刻見功 (恭諧音)
383. 師姑尿 : 夠淡
384. 水鬼尿 : 夠清
385. 灶君老爺 : 黑口黑面
386. 黄大仙 : 有求必應
387. 西南二伯父 : 一味做好人
388. 水浸眼眉 : 唔識死
389. 木頭眼鏡 : 睇唔透
390. 木頭公仔 : 任人舞
391. 老樹枯柴 : 自得其樂 (落諧音)
392. 王小二過年 : 一年不如一年
393. 二叔公試田 : 聽殃 (秧諧音)
394. 閂埋門玩八音 : 自彈自唱
395. 一步登天 : 大想頭
396. 甩繩馬騮 : 捉都捉唔返
397. 江西佬打死馬騮 : 有家歸不得
398. 牛頭唔答馬嘴 : 各說各話
399. 韭菜命 : 一長就割
400. 白菜煮豆腐 : 一清 (青諧音)
二白
401. 二両棉花 : 免談 (彈諧音)
402. 濕水麻繩
: 越纏越緊
403. 竹籃打水 : 一場空
404. 屎坑睇報紙 : 多見多聞
405. 池裡無魚 : 蝦自大
406. 擔沙填海 : 白費心機
407. 拼死食河豚 : 揾命搏
408. 無線電視記者 : 臨尾 (林美諧音) 香
409. 北角對落 : 例遲 (麗池諧音)
410. 白雲山撞雨 : 無得避
411. 冇勾秤 : 得把聲 (星諧音、
秤桿鑲有表示輕重的秤星)
412. 冇星秤 : 唔知斤両
413. 紙糊窗户 : 一點即破
414. 飛機撞紙鳶 : 有咁啱得咁蹺
415. 梁蘇記牙刷 : 一毛不拔
416. 阿崩吹簫 : 哂氣
417. 高射炮射蚊滋 : 小題大做
418. 電兔 : 引死班狗公
419. 半斤八両 : 旗鼓相當
420. 戙高牀板 : 漏夜趕工
421. 攝高枕頭 : 慢慢諗
422. 戲棚仔 ; 快大
423. 鱷魚上岸 : 來者不善
424. 鱷魚眼淚 : 假慈悲
425. 阿媽係女人 : 係人都知
426. 石灰鋪路 : 白行
427. 三十六着 : 走為上着
428. 千里送鵝毛 : 物輕情意重
429. 留得青山在 : 那怕冇柴燒
430. 二四六八單
: 無變
431. 工廠妹 : 易索
432. 撒路溪錢 : 引死人
433. 阿貴買布 ; 唔講嗰筆 (匹諧音)
434. 龍舟菩薩 : 衰 (水諧音)
神
435. 風扇底傾偈 : 講風涼話
436. 老鼠揾貓 : 攞嚟衰
437. 卒仔過河 : 只進不退
438. 二一添作五 : 兩份分
439. 日本味精 : 未知數 (味之素諧音)
440. 三水佬食麵
: 照辦煮碗
441. 白橦雨 : 讚 (灒諧音)
壞
442. 出土人物 :
老古董
443. 李我講古 : 包衰收尾
444, 狗眼 : 看人低
445. 白鴿眼 : 望高唔望低 (勢利)
446. 竹竿(篙)撑船 : 一插(捅)到底
447. 竹筒倒豆 : 一個不留/一乾二淨
448. 豆沙飽 : 黑心
449. 兄弟爬山 : 各自努力
450. 觀音坐轎 : 靠人抬舉
451. 七個銅錢分兩份 : 唔三唔四
452. 平洲奶媽 : 賺個肚 (平洲婦女出城打工，
人工少但賺到食)
453. 護照相 : 出洋相
454. 牀下底吹喇叭 : 低聲下氣
455. 玻璃夾萬 : 有得睇冇得使
456. 狗仔抬轎 : 𣎴識抬舉
457.
大姑娘上轎 : 第一次
458. 烏龜過門檻 : 但看此一番 (翻諧音)
459. 隔岸觀火 : 睇熱鬥
460. 白撞雨 : 讚 (濺諧音) 壞
461. 白雲山蟋蟀 : 得把聲
462. 死牛龜 : 壹邊頸 (硬頸)
463. 賊仔入學堂 : 碰到都輸 (書諧音)
464. 上好沉香當爛柴 : 唔識貨
465. 貼錯門神 : 反 (翻諧音) 面
466. 翻渣茶 : 淡而無味
467. 老虎吊頸 : 畀人食
468. 東莞佬猜枚 : 害 (開諧音)晒
469. 殺雞取卵 : 一次過
470. 買豬頭搭豬骨 : 大件夾抵食
471. 天文臺 : 睇水
472. 肇慶荷包 : 陀衰人
473. 風吹芫荽 : 衰 (荽諧音) 貼地
474. 奶媽湊仔 : 人家嘅
475. 反轉豬肚 : 就係屎
476. 瓦靴 : 唔落得台
477. 茅厠點燈 : 找死 (屎諧音)
478. 東莞佬賣席 : 你生定死㗎 (能屈能伸)
479. 潮州花燈 : 出雙入對
480. 拜飛髮佬為師 : 從頭學起
481. 長篇小說 : 千言萬語
482. 米水冲涼 : 胡(糊諧音) 塗塗
483. 切肉離皮 : 一刀兩斷
484. 打針食黃蓮 : 痛苦
485. 大浪行船 : 時高時低
486. 龍舟棍 : 正衰神 (頂水神諧音)
487. 十幾個人食一份烟 : 無厘癮頭
488. 肚裡撐船 : 內行 (航諧音)
489. 韭菜炒蒜心 : 清 (青諧音) 一色
490. 杉木靈牌 : 唔做得主
491. 阿公做事 : 公事公辦
492. 玻璃肚皮 : 睇透心肝
493. 本地薑 : 唔辣
494. 白痴葫蘆 : 傻瓜
495. 八仙吹笛 : 神氣十足
496. 半夜彈琴 : 暗中作樂
497. 霸王雞 : 一咪靠充 (葱諧音)
498. 八月苦瓜 : 心雄 (紅諧音)
499. 穿窿網 : 口疏
500. 車頭燈 : 顧前唔顧後
501. 潮州佬煲粥 : 呢煲杰
502. 汽車唔入油 : 攞嚟推
503. 陳年頑痰 : 老而𣎴化
504. 楚河漢界 : 一清二楚
505. 打賞菩薩 : 醒神
506. 電燈杉掛老鼠箱 : 壹高壹矮
507. 對住棺材講大話 : 呃死人
508. 擔桿跌落地 : 一字咁淺
509. 燈蛾撲火 : 自取減亡
510. 大海撈針 : 渺茫
511. 菲林底片 : 黑白顛倒
512. 火燒地球 : 嘆 (炭諧音) 世界
513. 夫妻拜堂 : 謝天謝地
514. 薑葱鯉魚 : 夾埋嚟屈
515, 韭菜炒蛋 : 冒充 (冇葱諧音)
516. 雞公打交 : 死對頭
517. 九大簋 : 任食唔嬲
518. 一部通書睇到老 : 食古不化
519. 二奶仔 : 低人一等
520. 水上浮萍 : 冇時定
521. 電焊火花 : 唔睇得
522. 石灣陶瓷 : 𠺘過油 (釉諧音)
523. 湯圓命 : 蒲頭就畀人食
524, 老番睇榜 : 由屘數上
525. 水浸芝麻 : 發極有限
526. 天光落雪 : 明白晒
527. 十二點半鐘 : 指天篤地
528. 大粒黑打更 : 烏啄啄
529. 三水佬考試 : 少個得個
530. 阿婆髻 : 安嘅
531. 岳飛老母 : 督背脊
532. 抹抬布 : 專揩油水
533. 鬼拍後尾枕 : 不打自招
534. 口傳家書 : 言而無信
535. 倒亂磚頭 : 冇個啱
536. 鐵樹開花 : 冇結果
537. 黄腫腳 : 不消提
538, 鏡花水月 : 一場空
539. 燒溪錢引鬼 : 自己攞嚟衰
540. 李逵賣煤 : 頭頭黑
541. 師姑褲脚 : 綁死一世
542. 六月棉胎秋後扇 : 冇人吼
542. 大洲龍船 : 唔入教 (滘諧音，滘指小河)
543. 阿伯個老婆 : 百冇 (伯母諧音)
544. 鬼仔晒太陽 : 影都冇
545. 菜園種菜 : 土生土長
546. 大船泊細碼頭 : 拍 (泊諧) 唔上
547. 陳倉米 : 䉺晒
548. 打雷唔落雨 : 虚張聲勢
549. 冬天竹筍 : 唔出頭
550. 菲林走光 : 冇癮 (無影諧音)
551. 大喉欖 : 食凸 (貪婪)
552. 桂姐賣布 : 一筆 (匹諧音) 還一筆
553. 華陀難醫 : 死梗
554. 輪船出海 : 外行 (航諧音)
555. 唐僧嘅請 : 一本正經
556. 麻布袋草布袋 : 一代 (袋諧音) 𣎴如一代
557. 河邊洗黃蓮 : 何 (河諧音) 苦
558. 屋角貼對聯 : 邪 (斜諧音) 門
559. 老鼠跳上鋼琴 : 亂彈
560. 黃河水 : 難請(清諧音)
561. 落雨天出太陽 : 假情 (晴諧音)
562. 螞蟻搬家 : 逐少嚟，拖拖拉拉
563. 蓮藕炒黄豆 : 無孔𣎴入
564. 死雞撑飯蓋 : 死頂
565. 過期菲林 : 唔感光
567. 劉義打番鬼 : 越打越好睇
568. 包青天斷案 : 冇得傾
569. 生蝦落油鑊 : 跳又死，唔跳又死
570. 石頭磨剃刀 : 有損無益
571. 人生始𣎴熟 : 唔對路
572. 五行欠金 : 冇錢
573. 石馬無能 : 枉自大
574. 雙門底賣古董 : 開天索價，落地還錢
575. 木筲箕 : 滴水𣎴漏
576. 大轆藕抬色 : 應有盡有
577. 冇檳榔𡁻唔出汁 : 事出有因
